Француз футболчиси Жибриль Сиссе сешанба куни қамоқдан озод этилди. Бу ҳақда Франция прокуратураси хабар бермоқда.

Кун бошида полиция уни Франция терма жамоасининг бошқа бир ўйинчиси Матье Вальбуэнага тамагирлик қилишда айбланиб қўлга олганди.

Сиссе билан бирга исми ошкор этилмаган яна уч киши қамоққа олинган эди. Уларнинг тўртовлони ҳам Вальбуэнанинг бойлигига таҳдид қилиш юзасидан сўроқ қилинди.

Терговнинг илк босқичида Сиссега қарши ҳеч бир далил исбот топилмади. Қолган уч нафар ҳибсга олинганларга қарши ҳам муҳим иддаолар йўқ эди. Шунинг учун уларнинг барчаси ҳибсдан озод этилди.