Марказий Осиёдаги муз кўлларининг аҳволи назоратни талаб қилади. Метеорологлар ва соҳа экспертларининг назоратисиз уларнинг эриши ва тошқинлар ҳамда бошқа табиий офатларнинг келиб чиқиши таҳдидлари кўп карра ўсади. Бу ҳақда Ўзбекистон фавқулодда вазиятлар вазирининг биринчи ўринбосари Комилжон Арипов баёнот берди.

“Фарғона водийсининг 3.6 минг м дан баландроқдаги тоғ тизмаларидаги дарё ҳавзаларида жойлашган кўллар кучли эътиборни талаб қилади”, - деди у Тошкентда ўтказилган матбуот анжумани чоғида.

Маълумотларга қараганда, бу ҳудудда 187 гляциал кўллар жойлашган.
“Дарё ирмоқларининг тўсилиши натижасида юзага келган ва доимий назоратда бўлган кўллардан фарқли ўлароқ, муз кўлларида шу пайтгача махсус мониторинг ўтказилмаяпти. Тоғ кўлларининг тошиб кетиши билан боғлиқ хатар уларнинг мониторинги ва яхшилаш чора-тадбирларидан, шунингдек, методик ишлар ўтказишдан иборат узоқ истиқболли тизим яратишни тақозо этади”, - қўшимча қилди Арипов.