Бир қанча мусулмон мамлакатларидаги ой кузатуви тадқиқига кўра, чоршанба, 14 октябрь куни янги 1437 ҳижрий йилнинг муҳаррам ойи кириб келди.
Ҳижрий-қамарий йил ҳисоби Пайғамбаримиз Муҳаммад (с.а.в.)нинг ҳижрати (юлиан календари бўйича 622 йил)дан олинган бўлиб, ой тақвимига асосланади. Умар (р.а.)нинг халифалиги даврида ҳижрат йили мусулмонларнинг йил ҳисоби бошланиши деб эълон қилинди.
Мазкур тақвимнинг ўзига хослиги шундаки, унда тоқ ойлар 30, жуфт ойлар эса 29 кундан иборат бўлади. Фақат 12- ой бундан мустасно бўлиб, ундаги кабиса кунлари 30 кунни ташкил этади. Шу билан бирга, вақт ҳисоби қамарий давр бўйича ҳисобланганда бир йил 354 кундан иборат бўлади.
Натижада ҳар сафар янги йил 10 кун атрофида илгари сурилиб келади ва саналарнинг кўчиб юриши натижасида 34 ҳижрий қамарий йилга 33 григориан йили тўғри келади.
Эрон, Афғонистон, Покистон, Туркия ва бошқа бир қанча давлатларда қамарий ҳижрий тақвимдан фойдаланиш кенг тарқалган.