Испаниялик журналист швейцариялик теннисчи қизни концлагер соқчисига ўхшатди

Спорт 14 Октябрь 2015 1919

El Mundo нашрида испаниялик теннисчи Гарбинье Мугурузанинг Пекиндаги АТЗ турнири финалида швейцариялик теннисчи Тимеа Бачински устида қозонган ғалабаси муносабати билан чиқарилган мақолада муаллиф швейцариялик теннисчини ўзининг ўтган асрда ўзининг шафқатсизлиги билан машҳур бўлган фашистларнинг концлагери назоратчиси Ирма Грезега тенглаштирди.

Эмилия Ландалюс исмли журналистнинг ёзишича, Бачински ва Грезе ўртасида ташқи кўринишлардаги ўхшашликдан ташқари, швейцариялик теннисчининг шафқатсиз ўйин услуби ҳам фашистни эслатади.

Бу мақола кўп вақт ўтмасдан нашрдан олиб ташланган, журналист эса твиттери орқали теннисчидан узр сўраган.

"Ҳурматли Тимеа. Мен ўз мақоламда сенинг ҳамиятингга текканим учун чин дилдан узр сўрайман. Бу шунчаки ҳазил ва бироз ҳаддан ошиш бўлди. Бошқа бундай қилмайман", деб ёзади Ландалюс.

Кўпроқ янгиликлар