Россия Сурияда амалга ошираётган ҳарбий операция Ғарб давлатлари коалициясининг авиазарбаларидан кўра анча кучли самара бермоқда, деб тан олади Франциянинг Le Point нашри.

“Айни пайтда бу борада ҳисоб Россия фойдасига 1-0”, - деб ҳисоблайди нашр. Шу билан бирга, Сурия ҳудудида бўлаётган ўйин ахийри Россия ва АҚШ ўртасидаги жиддий қарама-қаршиликка айланиши мумкин.
Коалиция самолётлари йилига 2 500 парвозни амалга оширганига қарамай, журналистнинг фикрича, аниқ разведка маълумотларига эга бўлмаган, шу боис фақатгина ИШИДнинг аниқ-тайин базаларига зарба берган. Россия эса Сурия разведкасининг маълумотларидан фойдаланмоқда.

Россия амалда Суриянинг шимоли-ғарбий ҳаво ҳудудларидан коалиция, Исроил ва Туркия самолётларини сиқиб чиқарди. Шу боис 7 октябрь куни Пентагон Россия билан тасодифий тўқнашувларнинг олдини олиш учун АҚШ самолётларининг йўналиши ўзгартирилганини маълум қилди.