Қозоғистоннинг Олма-ота шаҳрида трамвай иштирокида йирик йўл-транспорт ҳодисаси юз берди, деб хабар берилмоқда nur.kz сайтида.

Изидан чиқиб кетган трамвай бир нечта автомобиллар билан тўқнашиб кетган.
Макатаев кўчасида ҳаракатланаётган трамвай 14 тага яқин автомобилни пачоқлаб ташлаган.

Трамвай тўхтаётганда издан чиқиб кетган. Дастлабки маълумотларга кўра, ЙТҲ оқибатида бир неча киши жароҳат олган.

“Ушбу авария Қозоғистон Жиноят кодексининг 345-моддаси бўйича судгача тергов рўйхатига киритилди”, деб маълум қилди Олма-ота Ички ишлар департаменти матбуот хизмати.