Остонада йилнинг ҳар қандай шароитида одамларни ноқулай об-ҳаво шароитидан ҳимоя қилиб турувчи биринчи иссиқ бекат қурилди. Қизил айвончалар аллақачон пойтахт кексаларининг эътиборига тушиб улгурди. Энди улар ҳавонинг совуқ ҳолатида ҳам ўз автобусларини бемалол кутишлари мумкин. Бу ҳақда Nur.kz хабар бермоқда.

Остона акимати (ҳокимияти)нинг маълум қилишича, жорий йилнинг сўнгига қадар 55 та ана шундай автобус бекатлари қурилади. Улар пойтахтнинг ижтимоий муҳим объектлари ёнида қурилади. Бу каби бекатларнинг нархи 10 млн тенгени ташкил этади.


Акимат маълумотида яна шу нарса келтириладики, иссиқ бекатлар чиришга қарши қобиққа эга пўлат қопламалардан қурилади. Деразалар эса алюминь профилли ва икки вақатли шишапакетга эга бўлади.