Путин амалдорларга хорижий авиакомпаниялар самолётларида учишни тақиқлади

Жаҳон 14 Октябрь 2015 3298

Россия президенти Владимир Путин давлат хизматчиларига фақатгина Россия ёки Евроосиё иқтисодий иттифоқи авиакомпаниялари билан учишга рухсат берувчи қарорни имзолади.

Учиш рухсат берилган авиакомпаниялар “давлат хизматчисининг сафарга борадиган жойига йўловчи ташишларни амалга оширмаса ёки бу авиакомпанияларнинг рейсларига сафар ҳужжатларини расмийлаштириш давлат хизматчиси сафарининг бутун муддати давомида йўқлиги сабабли имкони бўлмаган тақдирда” хорижий компаниялар хизматларидан фойдаланиш мумкин.

Март ойида “Аэрофлот” бош директори Виталий Савельев ҳукуматга амалдорларни хизмат сафарига боришда Россия авиаташувчилари рейсларидан фойдаланиш мажбуриятини қўйишни таклиф қилган эди. “Исталган маҳаллий авиакомпания билан учиш керак. Албатта “Аэрофлот” бўлиши шарт эмас”, деб таъкидлаб ўтган Савельев.

Савельевнинг айтишича, бундай чоралар кўплаб давлатларда, мисол учун Хитойда амал қилади. Бу ерда исталган даражадаги амалдорларга маҳаллий авиташувчи ишлайдиган йўланишларда хорижий авиакомпаниялар хизматларидан фойдаланиш тақиқланган.

6 октябрда давлат хизматчиларига Google, Yahoo ва WhatsApp орқали алоқа қилишни тақиқловчи қонун лойиҳаси тайёрлангани маълум қилинганди. Ушбу ташаббус “Россияни ҳимоя қиламиз” жамоатчилик ташкилотининг раҳбари Михаил Марченко ва Давлат думаси депутати Вадим Соловьевга тегишли. “Юқори лавозимдаги амалдор узатаётган исталган маълумот хорижий разведкалар учун қизиқиш уйғотади”, деб таъкидлаб ўтди Марченко.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 33340 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 13201 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 87841 Ўзбекистон
Европа Лигаси гуруҳ босқичи иштирокчилари учун мукофот пуллари эълон қилинди
22:27 6 Спорт
Янги купюра нарх-навога ўз таъсирини ўтказадими?
Дайжест: Навбатдаги видеоселектор, Қозоғистон билан ҳарбий ҳамкорлик, ЙПХ ходимларига Honda ва куннинг бошқа муҳим хабарлари
22:15 275 Жаҳон
Суарес жароҳат туфайли 4 ҳафтага сафдан чиқди
22:10 372 Спорт
Россия вакили биринчи марта телевидение орқали сурияликларга мурожаат қилди
21:55 1483 Жаҳон
Барселонадаги теракт қурбонлари ҳақида илк маълумотлар
21:50 2667 Жаҳон
Солиқ тўламасдан қарздор бўлиб юрган санъаткорлар рўйхати эълон қилинди
21:40 11195 Маданият
Кўпроқ янгиликлар