2014-2015 йиллар мавсуми якунида Германия бундеслигасидан иккинчи лигага тушиб кетган "Падерборн" жамоаси германиялик собиқ футболчи Штефан Эффенбергни янги бош мураббий сифатида таништирди.

Жамоа расмий сайтида хабар қилинишича, 47 ёшли Эффенберг билан 2017 йилнинг ёзига қадар шартнома имзоланган.

Қайд этиш керакки, собиқ футболчи учун бу мураббийликдаги илк жамоа бўлди.

Ўзининг футболчилик фаолиятини асосан "Бавария" жамоасида ўтказган Эффенберг "Боруссия М", "Фиорентина", "Вольфсбург" ва "Аль-Араби" каби жамоаларда ҳам таянч ярим ҳимоячиси сифатида тўп сурганди.

У Германия терма жамоасида 1991-1998 йиллар мобайнида 35та учрашув ўтказган ва 5та гол урган.