15 октябрь куни Қозоғистонда МДҲ давлатлари раҳбарлари кенгашининг навбатдаги йиғилиши иш бошлайди. Унда Қозоғистон, Ўзбекистон, Қирғизистон, Тожикистон, Беларусь, Озарбайжон, Арманистон, Россия етакчилари иштирок этади.

Маълум бўлишича, Бўрабайдаги учрашувда Владимир Путин МДҲ бўйича ҳамкасбларини Сурияда ўтказилаётган ҳарбий операция тафсилотлари билан таништиради.
МДҲ давлатлари институти директори Владимир Жарихин Sputnik агентлигига берган интервьюсида Суриядаги вазият ташкилотга аъзо давлатларга ҳам бевосита алоқадор эканлигини таъкидлаб қўйди.

“Суриядаги вазият Марказий Осиёдаги вазиятга ҳам бевосита таъсир ўтказади, - деди у. – Марказий Осиёдаги вазият эса нафақат минтақа давлатлари, балки Россияга ҳам таъсир кўрсатади. Шу боис Суриядаги вазият МДҲга бевосита алоқадордир.

Масалан, Суриядан МДҲ ҳудудигача, яъни Арманистонгача, 400 км масофа бор. Бу жуда яқиндир”.
Умуман Суриядаги вазият учрашувнинг асосий мавзуларидан бирига айланиши кутилмоқда.