Техас штати раҳбарияти 2001 йилда полициячини ўлдиришда айбланиб ўлимга ҳукм қилинган шахснинг қатлини амалга оширди. Жазо ўлим келтирувчи инъекция қилиш йўли билан амалга оширилди.

Жорий йил ҳисобидан бу АҚШда 24-маҳбуснинг, Техасда эса 12-маҳбуснинг қатл этилишидир. 33 ёшли Личо Эскамилья 2001 йил ноябрида тунги клубдан чиқишда муштлашув уюштириб, тўрт нафар полициячига қарши ўқотар қурол қўллаган эди.

Полициячилардан бири ўлдирилиб, яна бири оғир ярадор қилинган эди. Эскамилья иккита ўқ билан ўлдирилган полициячига яқинлашиб, унинг пешонасига қарата яна уч марта ўқ узган эди. 2002 йил октябрида жиноятчи ўлим жазосига ҳукм қилинди.