00:38 / 15.10.2015
3005

Bahrayn muxolifatchilari 2015 yilda umumiy hisobda 2,7 ming yildan ko‘proq qamoq jazosiga tortildilar

Bahrayn muxolifatchilari 2015 yilda umumiy hisobda 2,7 ming yildan ko‘proq qamoq jazosiga tortildilar. Bu haqda RIA “Novosti” axborot agentligi ma'lum qildi.

Bahraynning “Al-Vifoq” muxolif partiyasining erkinliklar boshqarmasi boshlig‘i Hodi al-Musaviy matbuot-anjumanida aytganidek, 2015 yilda qirollikda turli muddatli qamoq jazolariga 340 namoyishchi mahkum qilingan. Ular umumiy hisobda 2783 yil qamoq jazosi olganlar. Al-Musaviyning ta'kidlashicha, ayni paytda muxolifatga istalgan norozilik, shu jumladan tinch namoyishlarni o‘tkazish taqiqlab qo‘yilgan.

2011 yilda Bahraynda shialar vakillarining noroziliklari boshlangan. Ular shialarning siyosiy vakilligini oshirishni talab qilishgan. Manama Ar-Riyod yordamida namoyishlarni kuch bilan bosishga muvaffaq bo‘lgan. Mahalliy hukumatning keng ko‘lamda siyosiy islohotlar o‘tkazilganini aytishiga qaramasdan, mamlakatda vaqti-vaqti bilan mahalliy xavfsizlik kuchlariga qaratilgan teraktlar amalga oshirilib turiladi. Bahrayn Eron hukumatini shia isyonchilarini qo‘llab-quvvatlashda bir necha bor ayblagan.

Top