Германия мудофаа вазирлиги 2015 йил охирига қадар Термиз шаҳри аэропортидаги таянч пунктини ёпади. Deutsche Welle нашрининг ёзишича, бу мақсадда шаҳарга 40 нафар ҳарбий хизматчи йўлланган.

Германия ҳарбийлари Термизда 2002 йилнинг 15 февраль куни жойлаштирилган эди. Таянч пункти 10 йил давомида Афғонистон шимолида фаолият юритган контингент таъминоти билан шуғулланди.

Аммо 2013 йил охирида Германия ҳарбийлари Афғонистондан чиқиб кетди. 2015 йил августидан буён Бундесвер АҚШ ҳарбий-транспорт авиацияси хизматларидан фойдаланиб келмоқда, шу боис Ўзбекистондаги пунктдан воз кечилган.