Даниянинг Оденсе шаҳридаги ҳайвонот боғида куппа кундузи шер мурдасини сўйиб, бўлакларга ажратишди. Бу ҳақда Daily Mail нашри хабар берган.

Маълум қилинишича, 1 ёшли бу шер бир неча ой олдин ҳайвонот боғида бу турдаги жониворларнинг миқдори ошиб кетгани учун тиббий усул орқали ухлатиб қўйилганди. Унинг танаси музлаган.

Аниқлик киритилишича, уни тилкалаш жараёнида ҳайвонот боғига ташриф буюрувчилар шер организмининг ички кўриниши билан танишишлари мумкин бўлган.

Ҳайвонот боғи маъмуриятининг маълум қилишича, бу жараённи очиқчасига намойиш этиш орқали улар болаларга шернинг танаси тузилиши ҳақида маълумот беришни исташган.

Ушбу ҳолат тасвирланган видеолавҳа орқали болаларнинг кўпчилиги қўрқаётгани ва бу манзарага қарашни исташмаётганини билиш мумкин.

Бу воқеа жамоатчиликнинг норозиликларига сабаб бўлган.