Қатарда ўтаётган бокс бўйича жаҳон чемпионатида бронза медалини қўлга киритган Элнур Абдураимов (-60 кг.) келаси йили бўлиб ўтадиган Рио Олимпиадаси йўлланмаси учун жангда бразилиялик Робсон Консейсаога қарши рингга чиқди.

Биринчи раундда у рақибига нисбатан фаолроқ бўлмасада, зарбаларининг аниқлиги сабабли ғалаба қозонди. Бундан руҳланган боксчи кейинги раундларни кичик устунлик билан бўлсада, ўз фойдасига ҳал қилди.

Шундай қилиб, мазкур дунё биринчилигида ҳамюртларимиз, тўртта Рио Олимпиадаси йўлланмасини билан бирга учтадан кумуш ва бронза медалларини қўлга киритишди.