ЖССТ: Эбола вируси даволангандан 9 ой ўтгунига қадар эркаклар организмида сақланиб қолиши мумкин

Жаҳон 15 Октябрь 2015 1267

Эбола вируси даво чоралари кўрилганидан 9 ой ўтгунига қадар инсон организмининг айрим қисмлари ва биологик суюқликлар таркибида сақланиб қолиши мумкин. Бу ҳақда 14 октябрь куни Жаҳон соғлиқни сақлаш ташкилоти (ЖССТ) Сьерра-Леоне Соғлиқни сақлаш вазирлиги ҳамда АҚШ Касалликларни назорат ва профилактика қилиш маркази ҳамкорлигида ўтказилган янги тадқиқот натижаларига асосланиб хабар қилди.

“Эбола вируси келтириб чиқарган касалликдан даволанган инсонлар устида синчковлик билан ўтказилган клиник кузатувлар ва текширувлар вирус айрим кишилар организмининг турли қисмлари, жумладан, кўз ичи, уруғ суюқлиги, йўлдош суюқлиги, йўлдош, кўкрак сути ва марказий асаб тизимида узоқ ойлар давомида сақланиб қолиши мумкинлиги аниқланди”, - дейилади ЖССТ пресс-релизида.

Тадқиқотлар мобайнида айрим эркакларда уруғ суюқлигида Эбола вируси 9 ой ва ундан зиёд вақтгача сақланиб қолиши аниқланди. Мазкур хулоса касалликдан тўлиқ тузалган 93 эркак устида ўтказилган клиник тадқиқотлардан сўнг чиқарилди.
“Сўнгги натижаларга асосланиб, уруғлик таркибидаги Эбола вируси миқдори вақт ўтгани сари камайиб боради, деган хулосага келиш мумкин.

Бироқ бир бемор организмида тузалганидан 9,5 ой ўтганидан сўнг ҳам Эбола вируси сақланиб қолмоқда”, - дея қайд этилди хабарда.
ЖССТ экспертлари жамоатчиликни тинчлантириб, вируснинг жинсий йўллар билан юқиши эҳтимоли жуда паст эканини таъкидлаб ўтишни ҳам унутмади.

Эбола вируси Ғарбий Африкада 2014 йил февраль ойида авж олган эди. Шу вақтга қадар ушбу хавфли вирус келтириб чиқарган хасталикка чалинган 28,5 минг кишининг 11,3 минг нафари ҳалок бўлди. ЖССТнинг қайд этишича, эпидемия қарийб тўхтатилган, иккинчи ҳафтадирки, минтақада бирорта ҳам янги ҳолат аниқланмади.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20624 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49600 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3081 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 1714 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 3495 Жаҳон
Хитой хорижий инвестицияларга чеклов жорий қилди
23:08 / 21.08.2017 2052 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3145 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3290 Технология
Лотин алифбосидан кимлар қўрқади?
22:45 / 21.08.2017 4792 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4390 Ўзбекистон
Кўпроқ янгиликлар