АҚШ бошчилигидаги коалиция ҳарбий кучлари ИШИДнинг Ироқ шимолида жойлашган штабини йўқ қилишди, деб хабар бермоқда Alsumaria телеканали маҳаллий ҳарбий манбага асосланиб.
Маълум қилинишича, авиазарба натижасида саккиз нафар жангари, шу жумладан, бўлим командири Абу Ҳазифа ал-Ансорий ҳам йўқ қилинган.

"Халқаро коалиция авиацияси бугун кундузи ИШИДнинг Эс-Сарой ва Эл-Хавижа туманларидаги бир қанча марраларига авиазарба беришди. Натижада террорчилик ташкилотининг жангариларни Киркук вилояти билан боғлаб турувчи мувофиқлаштириш штаби яксон этилди” – дейилади манбада.