Латвиянинг Рига шаҳрида самбо бўйича ўсмирлар ўртасидаги жаҳон чемпионати баҳслари бўлиб ўтди.

Ушбу мусобақада иштирок этган ҳамюртимиз Жаҳоной Туркманова (-44 кг) олтин медалга сазовор бўлди.

Жаҳоной дунё биринчилигида барча рақибаларини мағлубиятга учратиб, ўзбек қизлари орасида жаҳон чемпиони бўлган илк спортчига айланди.

Эслатиб ўтамиз, бироз аввалроқ, ўзбекистонлик дзюдочи қиз Диёра Келдиёрова ҳам ўз йўналишида мана шундай номга сазовор бўлганди.

Маълумот учун, Жаҳоной Туркманова Шомуродовна 1997 йилнинг 1 сентябрь куни Самарқанд вилояти, Жума шаҳрида таваллуд топган. Кўп карра Осиё ва Ўзбекистон чемпиони ҳисобланади.