Остонада Россия ва Қозоғистон президентларининг учрашуви бўлиб ўтди. Тадбир чоғида икки томонлама муносабатлар ривожи, шунингдек, ЕИИнинг истиқболлари юзасидан фикр алмашилди.

Назарбоев 16 октябрь куни МДҲга аъзо давлатлар раҳбарлари кенгаши ва Евросиё олий иқтисодий кенгаши доирасида ўтказиладиган музокараларга тўхталиб ўтди.
“Бугун ЕИИ кенгаймоқда ва жаҳон саҳнасида ҳурмат-эътибор қозонмоқда. Биз тўғри йўлдамиз деб ҳисоблайман”, - таъкидлади Назарбоев.
Шунингдек, у икки давлат ўртасидаги иттифоқчилик алоқалари мустаҳкамлигини яна бир бора тасдиқлади.

“Биз Сочида ўзаро муносабатларимизнинг асосий йўналишларини муҳокама қилиш имкониятига эга бўлдик, - деди у. – Бу муносабатлар Қозоғистон халқининг манфаатларига мос келади”.
“Қозоғистон Россиянинг энг яқин иттифоқчиси бўлиб қолаверади”, - хулоса қилди Назарбоев.