АҚШ Афғонистондаги беқарор вазият туфайли бу ерда 2016 йилдан кейин 5,5 мингга яқин аскарини қолдиради, деб айтди АҚШ президенти Барак Обама. Бу ҳақда Reuters ахборот агентлиги маълум қилди.

Обаманинг айтишича, Афғонистонда кейинги йилнинг аксарият қисмида 9,8 мингга яқин аскар бўлади.

Обаманинг айтишича, 2016 йилдан кейин бу ерда кам сондаги базаларда 5,5 мингга яқин ҳарбий қолади. Хусусан, гап Баграм, Жалолобод ва Қандаҳордаги базалар ҳақида кетмоқда.

Обаманинг таъкидлашича, Афғонистондаги вазият “қалтислигича” қолмоқда ва унинг янада ёмонлашиши хавфи бор.