Ғафур Ғулом номидаги нашриёт-матбаа ижодий уйи томонидан 100 жилдлик «Ўзбек халқ ижоди ёдгорликлари» туркум китобининг илк икки жилди нашрдан чиқарилди.

Ўзбекистон матбуот ва ахборот агентлиги ахборот хизматининг хабар беришича, китобнингбиринчи жилдидан «Алпомиш» достонининг Фозил Йўлдош ўғли талқинидаги кўриниши ўрин олган бўлса, иккинчи жилдда «Юсуф билан Аҳмад» достонининг Муҳаммадқул Жонмурод ўғли Пўлкан ва Фозил Йўлдош варианти берилган.

Ушбу китоблар Ўзбекистон Республикаси Фанлар Академияси Алишер Навоий номли Тил ва адабиёт институти ходимлари томонидан нашрга тайёрланган.