АҚШнинг бош вазир Дмитрий Медведов бошчилигидаги Россия делегациясини қабул қилишдан бош тортгани Вашингтоннинг Сурия масаласи бўйича позицияси кучсиз эканини англатади, деб ҳисобламоқда Россия президенти Владимир Путин.

Россия президенти Вашингтоннинг ушбу ҳаракатига нисбатан ўз муносабатини 15 октябрь куни Қозоғистон президенти Нурсултон Назарбоев билан бўлиб ўтган учрашувдан сўнг ташкил этилган матбуот анжумани чоғида билдириб ўтди.

“Мен америкалик ҳамкорларимизни, мадомики улар сиёсий жиҳатдан ҳал қилиш учун мазкур муҳим йўналишда тўғридан-тўғри мулоқотга киришишдан воз кечар экан, Россиянинг Суриядаги ҳаракатларини танқид қилишини тушуна олмайман”, - деди Путин.
Россия етакчиси бу билан АҚШ президенти Барак Обама маъмуриятининг Сурия мавзусида Россия билан ҳамкорлик қилишдан бош тортгани бўйича иккинчи марта изоҳ бериши. 12 октябрь куни ҳам “Россия, олға!” форумида бу ҳақда айтиб ўтган эди.

Эслатиб ўтамиз, 14 октябрь куни РФ ТИВ раҳбари Сергей Лавров АҚШ Сурияда терроризмга қарши курашишни мувофиқлаштириш масалаларини муҳокама қилишни режалаштирган Россия бош вазири Дмитрий Медведов бошчилигидаги Россия делегациясини қабул қилишдан бош тортганини маълум қилган эди. Оқ уй матбуот котиби Жош Эрнест эса таклифнинг рад этилишини Москва ИШИДга қарши курашда конструктив улуш қўшишни истамаслиги билан изоҳлади.