Россия президенти Владимир Путин Россия Давлат думасига Инжил, Қуръон, Танах ва Ганжура каби турли динларга мансуб муқаддас китобларнинг мазмуни ва улардан олинган матнларни экстремистик деб тан олинишини тақиқловчи қонун лойиҳасини кўриб чиқиш учун киритди, деб хабар бермоқда РИА “Новости” ахборот агентлиги.

Аввалроқ черков ва жамият ўртасидаги муносабатлар бўйича синод бўлими минтақавий алоқалари хизмати раҳбари диакон Андрей Титушкин муқаддас китоблардан олинган матнларни экстремистик деб қаралишини тўлиқ тақиқлаш кераклигини айтган эди.

Сентябрь ойи ўрталарида Жанубий Сахалинск шаҳар суди Қуръон суралари келтирилган китобни экстремистик деб топган эди. Бунга жавобан Чеченистон раҳбари Рамзон Қодиров бу қарорни чиқарган Жанубий Сахалинск суд ҳаками Наталья Перченко ва прокурор Татьяна Билобровецни “шайтонлар” деб атаб, жавобгарликка тортишга чақирган эди.