Россия ҳарбий-коинот кучлари Сурияда жангариларнинг позицияларига зарба бериши натижасида “Аҳрор аш-Шом” террорчилик гуруҳи бошлиғи, чеченистонлик Абу Бакр Аш-Шишанийни йўқ қилинди. Бу ҳақда РИА “Новости” ахборот агентлигига суриялик ҳарбий манба маълум қилди.

“14 октябрда Россия авиациясининг Хомс вилоятига берган зарбаси оқибатида террорчилик гуруҳи бошлиғи ҳамда жангарилар гуруҳи йўқ қилинди”, дейилмоқда хабарда.

Шу куннинг ўзида Суриянинг SANA ахборот агентлиги Сурия Қуролли кучлари “Аҳрор аш-Шом” террорчилик гуруҳининг 7 нафар аъзосини, жумладан гуруҳ етакчиларидан бири Умар ал-Хўдра ва унинг ёрдамчиси, Абу Анас лақабли чечен террорчисини йўқ қилганини маълум қилган.