Россиянинг Красноярск вилоятида тўрт нафар наркодиллер қўлга олинди. Улардан махсус интернет-дўкони орқали сотишга мўлжаллаб қўйилган 24 килограмм синтетик гиёҳванд модда олиб қўйилди. Бу ҳақда 15 октябрь куни “Интерфакс” хабар қилди.

Олиб қўйилган гиёҳванд моддаларнинг умумий қиймати 70 млн рублни ташкил этади.
Наркополиция аввалига интернет-дўконининг икки ходимини ҳибсга олди. Текширувлар вақтида улар ёнидан улгуржи ва чакана савдо учун тайёрланган ярим килограммга яқин гиёҳванд моддалар топилди.

Сўнгра яна икки нафар гиёҳвандфурушлар қўлга олинган.
Барча ҳибсда сақланаётганларга нисбатан тегишли моддалар бўйича жиноий иш қўзғатилган.