Афғонистон ҳукумати жанубдаги Ҳилманд вилоятида толибонлар ҳужуми натижасида 29 нафар чегарачи ҳалок бўлгани ҳақидаги маълумотни тасдиқлади.

Маълум қилинишича, чегара пунктидаги жанглар 3 кун давом этган. Чегарачиларга ёрдам кучлари етиб бормаган.

Отишмалар вақтида 21 чегарачи ҳалок бўлган. Яна 8 нафар ҳарбий асирликка тушган, лекин улар ҳам ўлдириб юборилган. Жангарилар кўрган талофатлар ҳақида аниқ маълумот берилмаган.

Бу воқеа билан бир вақтда толибонлар Қундузни тарк этишганди.

Шу куни Ғазна ва Ҳилманд вилоятларида жангарилар томонидан ҳарбийларга яна икки марта ҳужум уюштирилган.