Яманда ҳарбийлар ҳусийчиларга қарши ҳарбий амалиётлар олиб бораётган коалиция самолётини уриб туширишди.

"Яманнинг Саад вилояти ҳудудидаги Гхамр туманида F-16 русумли қирувчи ҳарбий самолёт уриб туширилди ва экипаж асирга олинди", дейилади РИА Новости хабарида.

Қайд этилишича, бу самолёт Саудия Арабистони Ҳарбий ҳаво кучларига тегишли бўлган. Бу самолёт мамлакатнинг собиқ президенти Али Абдулла Салоҳ тарафдорлари бўлган ҳарбийлар томонидан уриб туширилган.

Салоҳ тарафдорлари ҳусийчилар томонида туриб жанг қилмоқда.