МДҲ Давлат раҳбарлари кенгаши мажлиси чоғида Белоруь Республикаси президенти Александр Лукашенко Қозоғистон раҳбари Нурсултон Назарбоевни олий мукофот – Халқлар дўстлиги ордени билан тақдирлади. Бу ҳақда BNews.kz хабар қилди.

“Ушбу залда, ушбу таркибда олий мукофот – Халқлар дўстлиги ордени билан тақдирлашни истардим”, - деди А.Лукашенко.

Нурсултон Назарбоев мукофотни қабул қилиб олиб, белорус халқига билдирилган ишонч учун ўз миннатдорлигини билдирди.

Эслатиб ўтамиз, 16 октябрь куни Қозоғистон Республикасининг Кўкшетау шаҳрида МДҲ Давлат раҳбарлари кенгаши мажлиси бўлиб ўтди. Унинг кун тартибида жами 17та масала кўриб чиқилди. Хусусан, БМТ ташкил топишининг 70 йиллиги ҳамда халқаро террорчиликка қарши кураш юзасидан баёнот, шунингдек, Чернобиль АЭСдаги авариянинг 30 йиллиги муносабати билан мурожаат қабул қилинди.