Англия футбол федерацияси Платинини қўллаб-қувватлашни тўхтатади

Спорт 16 Октябрь 2015 1639

Англия футбол федерацияси УЕФА президенти Мишель Платинини ФИФА президентлиги учун номзод сифатида тарғиб қилиш ва уни бу жараёнда қўллаб-қувватлашни тўхтатишга қарор қилди.

Бунга Платини ФИФА тизимидаги порахўрлик билан боғлиқ можароларга алоқадорликда гумон қилиниб, 90 кунга футболдан четлаштирилгани сабаб бўлди.

Маълум қилинишича, бу қарор текширувлар ўтказилганидан кейин қабул қилинди.

15 октябрь куни УЕФА ФИФАдан бу айблов бўйича якуний қарорни ноябрь ойи бошлангунича маълум қилишни сўради.

Эслатиб ўтамиз, 25 сентябрь куни Швейцарияда ФИФА президенти Йозеф Блаттерга нисбатан жиноий иш қўзғатилган эди. Мазкур иш жараёнида Блаттер Платини ҳисобига икки миллион Швейцария франки ўтказиб бергани аниқланган.

Шундан сўнг, 8 октябрь куни ФИФА ахлоқ қўмитаси УЕФА президенти ва ФИФА вице-президенти Мишель Платини , шунингдек ФИФА Бош котиби Жером Валькени ўз лавозимидан вақтинчалик четлатди.

Маълум қилинишича, Платини ФИФАдан 1998-2002 йиллар давомидаги фаолияти учун 1,05 млн франк пул олган.

Рейтер нашрида ёзилишича, Блаттер бу пуллар "жентлменларча келишув" асосида берилгани ҳақида айтган.

Швейцария қонунчилиги бўйича, ходим ўзи ишдан кетган жойдан 5 йил муддат ўтгач, маош олиш ҳуқуқига эга бўлмайди.

Ғарб журналистлари 2011 йилда ФИФА президентлиги учун сайловда Платини Блаттернинг рақиби бўлгани, лекин сайлов арафасида ўз номзодини қайтариб олганидан ҳам шубҳаланишмоқда.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 47677 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 64248 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34870 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19874 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 75591 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60414 Жамият
Франция Трампнинг Афғонистон бўйича қарорини қўллаб-қувватлади
18:56 14 Жаҳон
Ўзбекистонда ўзиучар қурилмалардан фойдаланиш корхонаси ташкил этилади
Ҳамза Жумаев телевидениега қайтди
18:38 2332 Жамият
АҚШ миллий разведкаси собиқ раҳбари: Трампнинг Финиксдаги чиқиши кишини қўрқитмоқда
18:33 789 Жаҳон
Кўпроқ янгиликлар