АҚШ афғон армияси аскарларининг тайёргарлигига эътибор қаратиб, алоҳида ҳолатлардагина ҳарбий амалиётларни олиб боради, дея маълум қилди Мудофаа вазири Эштон Картер. Бу ҳақда РИА “Новости” хабар берди.

“Ҳарбий операциялар тугатилди. Бизнинг ҳар кунлик вазифамиз тайёргарлик, кўмак кўрсатиш ва терроризмга қарши курашишдан иборат”, – дея қад этди Мудофаа вазирлиги раҳбари. Унинг сўзларига кўра, АҚШ ҳарбий амалиётлари ўз аскарларини ҳимоя қилиш, шунингдек, аксилтеррор операциялари доирасида ўтказилиши мумкин.

Бундан аввалроқ эса АҚШ президенти Барак Обама АҚШ 2016 йилдан сўнг Афғонистонда мамлакатдаги беқарор вазият туфайли 5,5 минг нафар атрофида ҳарбий қўшин қолдирилиши тўғрисида маълум қилган эди.