АҚШнинг Афғонистон ва Покистондаги махсус вакили этиб Ричард Олсон тайинланди. Журналистларга бу ҳақда ташқи алоқалар матбуот хизмати раҳбари Жон Кирби маълум қилган.

"Элчи Ричард Олсон 18 сентябрда амал муддати тугаган Дэниел Фелдманни АҚШнинг Афғонистон ва Покистондаги махсус вакиллигидан озод қилди. Олсон то 17 ноябрь, унинг Покистондаги элчилиги ниҳоясига етгунга қадар барча масъулиятни ўз зиммасига олади”, - деб маълум қилган у.

Эслатиб ўтамиз, Олсон АҚШнинг Покистондаги элчиси лавозимида уч йилдан буён ишлайди. 1982 йилдан бери эса АҚШ давлат департаментида фаолият юритади.