АҚШ Туркманистон билан алоқаларни янада чуқурлаштириш ва конструктив диалог ўрнатиш ниятини билдирди. Бу ҳақда Вашингтонда Туркманистон ташқи ишлар вазири Рашид Мередов ўтказган музокаралар якунларига кўра АҚШ давлат департаменти матбуот хизмати тарқатган баёнотда айтилди.

Ҳужжатда айтилишича, Туркманистон ташқи ишлар вазири билан давлат котибининг биринчи ўринбосари Энтони Блинкен, давлат котибининг қуролланиш назорати ва халқаро хавфсизлик бўйича ўринбосари Роуз Готтемюллер ҳамда Жанубий ва Марказий Осиё бўйича ёрдамчиси Ниша Десаи Бисуаллар учрашиб, ҳар йиллик икки томонлама консультацияларнинг тўртинчи раундини ўтказишган.