Қозоғистон президенти Нурсултон Назарбоев МДҲга аъзо давлатлар раҳбарлари кенгашининг йиғилиши чоғида қозоғистонлик миллиардер ва дипломат Бўлат Ўтемуратовни ноқулай вазиятга солиб қўйди.

Facebook ижтимоий тармоғига жойлаштирилиб, кенг муҳокама қилинаётган видеолавҳадан маълум бўлишича, қирғизистонлик ҳамкасби Алмазбек Атамбаевни кутиб турган Назарбоев олдига Ўтемуратов яқинлашиб, бирга селфи тушишни таклиф қилди. Аммо миллиардер энди чўнтагидан қимматбаҳо iPhone’ини чиқариб, суратга тушириш учун уни кўтараётганида Назарбоев қўли билан чап ёнидаги Ўтемуратовни четга суриб ташлади ва ҳеч нарса бўлмагандай кутишда давом этди.

Давлат раҳбари билан селфи тушиш ҳаракати муваффақиятсизлик билан тугаган собиқ хавфсизлик кенгаши котиби мийиғида жилмайганча смартфонни чўнтагига жойлади ва камера объективидан қочиб кетди.