ЎзДЖТУда ИШИД таҳдидига қарши тарғибот тадбири ўтказилди

Жаҳон 16 Октябрь 2015 2950

2015 йилнинг 16 октябрь кунида Ўзбекистон давлат жаҳон тиллари университети профессор-ўқитувчилари ва талаба-ёшлари ўртасида турли ёт ғоялар ва таҳдидларга қарши курашиш, миллий иммунитетни шакллантириш мақсадида тарғибот тадбири ўтказилди.

Унда университет ректори Ш.Қаюмов, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита бўлим бошлиғи С.Шерхонов, рус православ черкови семинарияси ўқитувчиси О.Шковородюк, Ўзбекистон Республикаси Олий ва ўрта махсус таълим вазирлиги Маънавий-ахлоқий тарбия бошқармаси бошлиғи М.Комилов, университет проректорлари, бўлим бошлиқлари, жамоат ташкилотлари раҳбарлари, факультет деканлари, профессор-ўқитувчилар ва 200 нафар талаба иштирок этди.

Тадбирнинг кун тартибидан Олий таълим муассасалари профессор-ўқитувчилари ва талаба-ёшлари ўртасида турли ёт ғоялар ва таҳдидларга қарши курашиш, миллий иммунитетни шакллантириш мақсади ўрин олди.

Тадбирни проректор А.Нурматов очиб берди ва сўзни университет ректори Ш.Қаюмовга берди. Ш.Қаюмов ўз нутқида ҳозирда Яқин Шарқ мамлакатларида содир бўлаётган нотинчликлар ва бу ҳодисалардан огоҳ бўлиш, хусусан бутун дунёни ларзага солаётган ИШИД террорчилар тўдаси ҳақида қисқача маълумот берди.

Шундан сўнг тадбирда иштирок этаётган Ўзбекистон Республикаси Олий ва ўрта махсус таълим вазирлиги Маънавий-ахлоқий тарбия бошқармаси бошлиғи М.Комиловга сўз навбати берилди.

М.Комилов ўз нутқида бугунги тинч ва хотиржам ҳаётимиз, халқимизнинг эртанги кунга ишонч билан яшаётгани, юртимизнинг дунё сиёсати ва иқтисодиётида мустаҳкам ўринга эга бўлиб бораётгани мамлакатимизда Президент Ислом Каримов томонидан олиб борилаётган оқилона сиёсатнинг натижаси эканлигини таъкидлади. Айнан ана шу тинчликни қадрига етишда, яратилаётган имкониятлардан унумли фойдаланишда ҳар бир фуқаро, айниқса ёшлар фаол бўлиши кераклигини айтиб ўтди.

“Бугунги ўта таҳликали, уруш оловлари авж олиб бораётган Яқин Шарқ мамлакатлари, жумладан Сурия ва Ироқ каби араб давлатларида ўзининг тажовузкор ва вайронкор ҳаракатлари билан мисли кўрилмаган хунрезликларни амалга ошираётган ИШИД – "Ироқ ва Шом ислом давлати" террорчилик ташкилоти бугун дунё афкор оммаси учун энг даҳшатли хавфдир. Мазкур террорчилик ташкилоти вакиллари ислом дини ниқоби остида амалга ошираётган қўпорувчилик ҳаракатлари, суиқасд ва қотилликлари на инсонга, на исломга хос”, деди М.Комилов.

Шундан сўнг, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита бўлим бошлиғи С.Шерхонов сўзга чиқди ва ўзининг "Диний экстремизм – ёшлар келажагига таҳдид” номли маърузаси орқали бугунги кунда дунёни хавотирга солаётган ИШИД террорчилар тўдаси ва улар томонидан уюштирилаётган тажовузкор ҳаракатлар ҳақида батафсил маълумот берди.

“Минг афсуски, бу қабиҳ тўда орасида ўзбекистонликлар ҳам мавжуд. Шунинг учун ёшларни бундай разиллар фитнасига учиб қолмаслик мақсадида уларга бу ҳақда кенг қамровли тушунчалар бериб боришимиз керак” деди С.Шерхонов.

Тадбир давомида сўзга чиққан Рус православ черкови семинарияси ўқитувчиси О.Шковородюк бугунги таҳликали замонда ёшларда бўлаётган барча салбий жараёнларга, чақирувларга нисбатан иммунитетни шакллантириш лозимлигини таъкидлади. Қачонки, ҳар бир ёшда ёмон иллатларга нисбатан иммунитет мавжуд экан бундай ёшларни оғдириб бўлмаслигини айтиб ўтди.

“Дарҳақиқат, бугунги глобаллашув ва тараққиёт асри ҳар кимдан кучли билим ва тафаккур эгаси бўлишни, замонавий ахборот технологияларидан унумли ва мақсадли фойдаланишни, содир бўлаётган воқеа-ҳодисаларга нисбатан мустаҳкам фуқаролик позицияси билан ёндашишни талаб этади. Зеро, бефарқлик ва билимсизлик ҳар қандай инсон келажагини юқорида айтиб ўтилган хавф-хатарлардан асраб қололмайди”, деди Ўзбекистон Республикаси Олий ва ўрта махсус таълим вазирлиги Маънавий-ахлоқий тарбия бошқармаси бошлиғи М.Комилов.

Савол-жавоб тарзида ўтказилган тадбир давомида Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита томонидан тавсия этилган “21-аср фитнаси” номли видеофильм намойиш этилди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 70630 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36899 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21315 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 80573 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61739 Жамият
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 131 Маданият
Ўзбекистонлик иқтисодчи халқаро танловда ғолиб бўлди
23:30 / 23.08.2017 814 Ўзбекистон
“Хато” тўфони Ҳонгконгга етказган зиён миллиард доллардан кўпроққа баҳоланмоқда
23:26 / 23.08.2017 513 Жаҳон
Франсуа Олланд сиёсатдан кетмаслигини маълум қилди
23:22 / 23.08.2017 340 Жаҳон
1000 долларгача бўлган давлат харидлари энди тўғридан-тўғри шартнома орқали амалга оширилади
23:06 / 23.08.2017 4782 Ўзбекистон
Кўпроқ янгиликлар