Жангариларнинг фаоллашуви натижасида Афғонистондаги вазият яна инқирозга яқинлашиб қолди. Бу ҳақда Россия президенти Владимир Путин МДҲга аъзо давлатлар раҳбарларини кенгашининг Қозоғистонда ўтказилган навбатдаги йиғилишидаги чиқишида гапирди.

“Турли тоифадаги террорчилар нуфузи ортмоқда ва улар кейинги экспансия режаларини беркитиб ўтиргани йўқ, - маълум қилди Россия етакчиси. – Уларнинг асосий мақсадларидан бири Марказий Осиёга ёриб киришдир”.

Бундан ташқари, уларнинг фаоллиги туфайли Афғонистон ҳукумати дуч келаётган қийинчиликлар таъкидлаб ўтилди.

Эслатиб ўтамиз, бугун, 16 октябрь куни Қозоғистоннинг Бўрабай қишлоғида МДҲга аъзо давлатлар раҳбарлари кенгашининг навбатдаги йиғилиши бўлиб ўтди.