МДҲ давлатларидан чиққан камида 7 минг киши ИШИД таркибида туриб ҳарбий ҳаракатларда иштирок этмоқда. Бу ҳақда Россия президенти Владимир Путин МДҲга аъзо давлатлар раҳбарларини кенгашининг Қозоғистонда ўтказилган навбатдаги йиғилишидаги чиқишида гапирди.

Путин улар юртларига қайтиб, Сурияда ўрганганларини бу ерда такрорлашига йўл қўймаслик кераклигини таъкидлади.

Эслатиб ўтамиз, бугун, 16 октябрь куни Қозоғистоннинг Бўрабай қишлоғида МДҲга аъзо давлатлар раҳбарлари кенгашининг навбатдаги йиғилиши бўлиб ўтди.