Яқин Шарқда узоқ йиллардир фаоллик кўрсатаётган террорчи гуруҳларнинг асосий мақсадларидан бири Марказий Осиё минтақасига кириб, бу ерда ўрнашишдир. Бу ҳақда Россия президенти Владимир Путин МДҲга аъзо давлатлар раҳбарларини кенгашининг Қозоғистонда ўтказилган навбатдаги йиғилишидаги чиқишида гапирди.

“Улар кўзлаган мақсадлардан бири Марказий Осиё минтақасига ёриб киришдир. Биз бундай сценарийга келишиб қаршилик кўрсатишга тайёр бўлишимиз лозим”, - деди у.

Шунингдек, Путин Афғонистондаги вазият инқирозга яқин турганини таъкидлаб ўтди.
Эслатиб ўтамиз, бугун, 16 октябрь куни Қозоғистоннинг Бўрабай қишлоғида МДҲга аъзо давлатлар раҳбарлари кенгашининг навбатдаги йиғилиши бўлиб ўтди.