Қирғизистон ва Грузия иккала давлат ўртасида тўғридан-тўғри авиаалоқалар амалга ошириш зарур деб ҳисоблайди. Бу ҳақда Қирғизистон ҳукумати матбуот хизмати хабар тарқатди.

Қирғизистон томони «Бишкек — Тбилиси — Франкфурт-на-Майн» йўналишида мунтазам парвозлар очилиши имкониятиларини муҳокама қилишни таклиф қилди. Бу таклиф Тбилисидаги Қирғизистон бош вазири ўринбосари Валерий Диль ва Грузия Бош вазири Ираклий Гарибашвили учрашуви чоғида таклиф қилинган.

«Кирғизистон ҳудуддаги барча давлатлар билан савдо-иқтисодий алоқаларни мустаҳкамлашдан манфаатдор. Шундай экан давлатлар ўртасидаги транспорт алоқаларини ривожлантириш катта аҳамиятга эга», — дея таъкидлаб ўтган Диль.