Суриядаги амалиётларда иштирок этаётган барча Россия самолётлари ҳарбий вазифаларни бажарганидан сўнг авиабазага қайтиб келди. Бу ҳақда Россия Мудофаа вазирлиги Туркияда учувчисиз бошқариладиган учиш аппарати уриб туширилиши манзарасида хабар берди.

Сурия авиагуруҳи таркибига кирувчи барча Россия самолётлари Хмеймим авиабазасига тўлиқ таркибда қайтиб келди, учувчисиз бошқариладиган учиш аппаратлар эса режали тартибда фаолият кўрсатмоқда. Бу ҳақда Россия Мудофаа вазирлиги вакили генерал-майор Игорь Конашенков ТАСС агентлигига маълум қилди.

“Сурия ҳудудидаги ҳолатни мониторинг ва ҳаво разведкасини амалга оширишда етакчи ҳисобланган Россия учувчисиз бошқариладиган учиш аппаратлари режали тартибда фаолият кўрсатмоқда”, - деди Конашенков.