Тожикистон савдо айланмаси ва иқтисодий кўрсаткичларининг тушиши шароитларида қўшни Ўзбекистон билан ўзаро савдо ўсиб бормоқда. Бу ҳақда AsiaPlus нашри ёзмоқда.

Тожикистон президенти ҳузуридаги статистика агентлигининг маълум қилишича, жорий йилнинг уч чораги мобайнида ўзаро товар айланмаси 8.8 млн долларни ташкил қилган бўлиб, бу ўтган йилнинг шу даври кўрсаткичларидан 67 фоизга кўпроқдир.

Йил бошидан буён Тожикистон Ўзбекистонга 4.8 млн долларлик маҳсулот экспорт қилган, Ўзбекистон маҳсулоти импорти эса 4 млн долларни ташкил қилди.
Умуман олганда, Тожикистоннинг МДҲ давлатлари билан савдо ҳажми 10.9 фоизга қисқариб, 1.5 млрд долларни ташкил қилган. 2014 йил уч чораги кўрсаткичи – 1.9 млрд доллар.