Туркия Европа Иттифоқидан ўзини “хавфсиз” давлат деб тан олинишини ва миграцион инқироз билан курашиш учун 3 млрд евро ажратишни сўрамоқда. Бу ҳақда 16 октябрда Еврокомиссия матбуот хизмати маълум қилди.  

“Туркия ўзини “хавфсиз” деб тан олиниши ва 3 млрд еврогача қўшимча молиялаштиришни истамоқда”, деб айтилди хабарда. Туркия айни кунгача миграцион инқироз билан курашиш учун 7 млрд еврога яқин маблағ сарфлаган.

Еврокомиссия сентябрь ўрталаридан бери “хавфли” ва “хавфсиз” давлатлар рўйхатини тайёрламоқда. “Хавфсиз давлатлар” фуқаролари иқтисодий муҳожирлар сифатида қаралиб, агар улар ўз ватанларида ўзларининг эътиқодлари, динлари ёки жинсий ориентациялари сабабли тақиб қилиш таҳдид қилинаётганини исботлай олмасалар Еврокомиссия уларни ўз ватанларига қайтариб юбормоқчи.    

Бундан ташқари, Туркия виза бўйича эркинлаштириш жараёни ҳамда Европа Иттифоқига кириш бўйича музокараларни тезлаштиришни сўрамоқда.