Россия президент Владимир Путин Суриядаги оммавий муҳожирлик инқирозига нуқта қўйган инсон сифатида тарихда муҳрланиши мумкин, деб ҳисобламоқда The Washington Times нашри.
Мақола муаллифининг ёзишича, Путин Суриядаги ҳарбий ҳаракатларни бошлаб, АҚШнинг ҳозирги президенти Барака Обама Яқин Шарқда уддасидан чиқа олмаган ишни уддаламоқда.

Қачонки суриялик қочоқлар Европа томон ҳаракат қилганда Путин Ғарб тарафида турди. Муҳожирларга ёрдам кўрсатиш мазмунига эга барча дастурларга қўшилди. Путин Ғарбни ҳудудда тартибсизлик келтириб чиқаришда айблади ва муҳожирлар инқирозини сафсата, деб ҳисоблади.

Россия ва Сурия ўртасидаги 1,5 минг км. ли масофага қарамай, Россия “бир ҳовучгина бўлсада” қочоқларни ўз бағрига олди, деб ёзади нашр колумнисти. Унинг фикрича, икки чечен урушидан сўнг, Россия бошқа мамлакатлардан келган мусулмонларни қабул қилишдан қўрқади.

Владимир Путин ўзига хос совуққонлик билан муҳожирлар инқоризага назар солмоқда. Фақат угина Суриядаги қон тўкилишларининг олдини олишга қарши чиқадиган ягона инсондир, деб ҳисобламоқда мақола муаллифи.