АҚШ Россиянинг Суриядаги ҳарбий ҳаракатларда иштирок этиш чоғида уриб туширилган самолётларнинг учувчиларини қутқариш бўйича ҳамкорлик қилиш таклифини рад қилди. Бу ҳақда Россия мудофаа вазири ўринбосари Анатолий Антонов баёнот берди.

Антонов хавфсизлик бўйича олтинчи Сяншань форумидаги чиқишида АҚШ “ҳамкорлик” сўзидан қатъиян бош тортаётганини таъкидлади.
Мисол тариқасида амалдор самолётнинг ИШИД назорати остидаги ҳудудга қулашини келтирди.

“Бундай вазиятга тушиб қолган учувчини қутқаришдай инсоний мақсаднинг нимаси ёмон? – деди у. – АҚШ ва Россия бу борада ҳамкорлик қилишининг нимаси ёмон?”.