Нью-Йоркда британиялик эркак “Ал-Қоида” террорчилик гуруҳи тармоғини қўллаб-қувватлаган Британия фуқароси 20 йилга озодликдан маҳрум қилинди. Reuters агентлигининг маълум қилишича, у АҚШ ҳудудида жангарилар тайёрлаш қароргоҳини тайёрлашда кўмаклашган.

Судья Кэтрин Форрест чиқарган қарорда кўрсатилишича, 41 ёшли Ҳорун Асват гуруҳга моддий ёрдам кўрсатган.
Асват айбини тан олди, лекин суд прокуратуранинг талабини қондиришга қарор қилиб, 20 йиллик жазони юмшатмади.

Ҳорун Асват 2005 йили Лондонда АҚШ ҳукуматининг талаби билан қўлга олинган эди. У экстрадиция қилиниши лозим эди, аммо суриштирув чоғида унинг параноидал шизофренияга чалингани аниқланди. 2014 йил сентябрида Лондон суди экстрадиция қарорни тасдиқлади.