Яқин Шарқдаги инқирозни куч ишлатиш йўли билан ҳал этиб бўлмайди. Бу ҳолат ҳудудда зўравонлик ва бошбошдоқликни келтириб чиқаради, деб айтиб ўтди БМТ бош котибининг сиёсий масалалар бўйича ёрдамичиси Тайе-Брук Зерихун.

"Аниқки, мавжуд инқирозни куч ишлатиш чоралари билан бартараф этиб бўлмайди. Оккупациянинг давом этаётгани ва истиқболнинг пасайиб бораётгани фаластинликларнинг давлатчилик орзусини қаҳр-ғазаб ўтига айлантирмоқда”, — деди Зеризун 16 октябрда БМТда бўлиб ўтган Хавфсизлик кенгаши мажлисида.

Унинг сўзича, мазкур “музлатилган ҳақиқат” ҳудудда иқтисодий ночорлик, ёшларнинг ишсиз қолиши ва Фаластинни давлат сифатида шакллана олмаслиги каби салбий ҳолатларда муғим роль ўйнайди.