Буюк Британияда мамлакат аҳолиси дидини ҳисобга олиб энг чиройли ва яхши автомобиль тасвирини яратишди. Иллюстрациялар Car журналида эълон қилинди.

Британияликларнинг фикрича, Aston Martin DB9’нинг олд қисми, Lamborghini Gallardo’нинг профили, Triumph Spitfire’нинг орқа қисми, MINI Cooper’нинг фаралари, Audi A1’нинг орқа чироқлари, Rolls-Royce Phantom’нинг эшиклари, Range Rover Evoque’нинг ғилдираклари, Citroen C4 Picasso’нинг шишасидан мукаммал автомобиль яратиш мумкин.

2014 йилда Британия суғурта компанияси Warranty Direct энг ишончли автомобиль деталларидан автомобиль концепсиясини ишлабчиққан эди. Horrific 4ORROR деб номланган автомобиль BMW M5’нинг двигатели, Audi RS6’ подвескаси, Mercedes-Benz R-Class’нинг электриги ва Fiat Multipla’нинг тормозига эга бўлганди.