Россия бош штабида Туркия ҳарбий ҳаво кучлари томонидан уриб туширилган учувчисиз бошқариладиган учиш аппарати Россияники эмаслиги ҳақда гап борди.

"Мен барча масъулиятни ўз зиммамга олган ҳолда шуни маълум қилмоқчиманки, бизнинг учувчисиз бошқариладиган учиш аппаратларимиз ёки аниқ белгиланган вазифада ёки авиабазада", — деб маълум қилган Россия бош штаби вакили генерал-полковник Андрей Картаполов.

"Уриб туширилган кимники эканлигига ўзингиз баҳо беринг ", — деб қўшимча қилган у.

Аввалроқ Туркия ҳукумати F-16 қирувчиси мамлакат ҳаво ҳудудини Сурия томондан бузган учувчисиз бошқариладиган учиш аппаратининг уриб туширилгани ҳақда маълум қилганди.