16 октябрь куни Швециянинг жанубий вилояти Крунубергда жойлашган Юнгбю коммунасидаги собиқ мактаб ўрнида ташкил этилган қочқинларни қабул қилиш пунктида ёнғин юз берган. Бу ҳақда ТТ агентлиги хабар тарқатди.

Маълум қилинишича, бу пунктда 80 нафар қочқин келиши учун шароитлар тайёрлаб қўйилган, кароват ва тўшамалар ўрнатиб бўлинганди.

Ёнғин туфайли жабрланганлар йўқлиги айтилган.

Айни вақтда бу ҳудудда тегишли идоралар вакиллари вазият тафсилотларини ўрганишмоқда.

Полиция бу ёнғин қасддан амалга оширилгани мумкинлиги бўйича текширув ўтказмоқда.
Қайд этиш керакки, Швейция жорий ҳафтада рекорд миқдордаги қочқинларни қабул қилди.

Болқондаги уруш вақтида, 1992 йили қиролликка 84 минг 18 нафар қочқин кириб келганди.

Жорий йилнинг 9 ойида эса бу кўрсаткич 86 минг 223 нафарни ташкил этди.
Бош вазир Стефан Лёвеннинг айтишича, мамлакатдаги муҳожирлар сони 150 минг нафарга етиши мумкин. Швеция аҳолиси эса 9,5 млн нафарни ташкил этади ҳамда Швеция ЕИда қочқинлар улуши нисбатан энг кўп бўлган давлатга айланади.