Тошкентнинг "Локомотив" клуби бош мураббийи Вадим Абрамов ўз лавозимидан кетди.

"Локомотив" футбол клуби раҳбарияти жамоа бош мураббийи Вадим Абрамовни истеъфога чиқарди. Бу ҳақда клуб матбуот хизмати расман хабар берди.

Қайд этиш керакки, чемпионлик учун курашаётган "темирйўлчилар" кеча, 16 октябрь куни Қўқонда "Қўқон-1912" жамоаси меҳмони бўлиб 2:2 ҳисобида дуранг ўйнади ва "Пахтакор" жамоасидан 4 очко ортда қолиб кетди. 

Абрамов билан бирга Марат Мифтахутдинов ҳам жамоадан кетган.

Мавсумнинг қолган 5та ўйинида "Локомотив"ни Мирко Йеличич бош мураббий сифатида майдонга олиб тушади. Унга Андрей Микляев ёрдам беради.

"Локомотив" клуби раҳбарияти янги бош мураббий номзодини ўрганиб чиқишни бошлади.