Бугун, 18 октябрь куни Озарбайжон халқи Мустақиллик байрамини нишонламоқда.
Озарбайжон ССР Олий Кенгашининг 1991 йил 18 октябрида ўтган сессияси тарихга муҳрланди. Айнан ўша куни депутатлар бир овоздан “Озарбайжон Республикасининг давлат мустақиллиги тўғрисида”ги конституцион актни қабул қилди.
Ўша йилнинг 29 декабрь куни мамлакатда умумхалқ сайлови ўтказилди. Унда озарбайжон халқининг асосий қисми давлат мустақиллигини ёқлаб овоз берди.
Шундан буён Озарбайжон суверен республика сифатида халқаро сиёсат субъектига айланди.
Озарбайжон халқини ушбу байрам билан муборакбод этамиз.